《我不要渡蜜月》
對！就係咁奇怪，正如《嫁到3》所講我哋走遍天南地北，但近在咫尺嘅日本，偏偏兩個鄉下佬鄉下婆從來未去過。🤭所以離開香港返埃及之前，就算短短兩日貨仔都剎！
兩個大鄉俚睇JR站同地鐵綫都睇到出煙💨，雖然我哋兩個加埋識中文，英文、西班牙文、意文、法文、廣東話、國語都撈埋，但真係唔代表全世界都可俾我哋玩哂！而意佬見到我問路都嚇到啲人調頭走，於是佢無奈地出手，配合埋佢與生俱來嘅意大利手語，日本人又睇得明喎😳🙈
自從婚後，每個假期都係返鄉下探親，我同意佬從來冇好好的計劃一次「渡蜜月假期」。本應呢趟東京之旅，乎合哂所有渡蜜月條件：兩公婆、喺海外、冇任何長老一齊，仲要結婚一周年，但我問自己：
「到底為何要渡蜜月？」
我只不過係每年九萬個嫁鬼佬嘅其中一個港女；
我們只不過係全球億萬情侶新婚的其中一對；
自己家鄉每分每秒發生咁多事情，坦白講，我無雅興去什麼蜜月。
再者，君不見渡過蜜月嘅戀人婚姻必定會白頭到老。與其去履行「渡蜜月」呢個商業副產品，倒不如兩人互相尊重，相親相愛，牽著手走過餘下人生。所以呢兩日嘅行程我哋完全冇計劃過，而呢次快閃東京只有兩個目的地：就係明治神宮同埋淺草寺。目的亦只有祈福。
「No one can see future, but its possibilities.」
「冇人能預知未來，但絕對能看見無限嘅可能性。」
求咗支大吉籤後，就去寫個願望喺祝願牌：
「願福氣降臨在有需要的人，讓受福的人有一日都能看見未來為他們締造嘅無限可能性，可以平平安安咁企喺掛願牌前，為其他有需要的人祈福。」
———唔知講左出黎靈唔靈🤫———
#渡蜜月後婚姻一定會長久?
#東京初體驗
#鄉下婆出醒
#唔渡蜜月幾唔閒
#若換來每個人都能擁有屬於自己的未來
Search